22. ខែ​មិថុនា 2021

វិធី​៦​យ៉ាង​ក្នុង​ការ​គ្រប់​គ្រង​ស្ត្រេស​បាន​យូរ​អង្វែង​ | Health.D Cam

ខែ​តុលា 16, 20201min590
6 long term-tips-for-stress relieve

១.ធ្វើលំហាត់ប្រាណជាទៀងទាត់ក្នុងមួយសប្តាហ៍

ការសិក្សាជាច្រើនបានបង្ហាញថាការធ្វើឲ្យបែកញើសមិនត្រឹមតែល្អសម្រាប់រាងកាយ និងខួរក្បាលរបស់អ្នកប៉ុណ្ណោះទេ ការហាត់ប្រាណក៏ជួយកាត់បន្ថយស្ត្រេសផងដែរ។ ធ្វើចលនារយៈពេល១៥០នាទីក្នុងមួយសប្តាហ៍ និងសាកល្បងហាត់ប្រាណនៅកន្លែងហាត់ប្រាណដែលនៅជិតផ្ទះ។ អ្វីក៏ដោយដែលអ្នកជ្រើសរើសធ្វើត្រូវប្រាកដថាវាជាអ្វីដែលអ្នកចូលចិត្តចិត្ត។ ការធ្វើលំហាត់ប្រាណមិនចាំបាច់ធ្វើសកម្មភាពខ្លាំងពេកទេ ហើយអ្នកក៏មិនចាំបាច់ត្រូវចូលក្លឹបហាត់ប្រាណនោះដែរ។

២.កុំពឹងផ្អែកលើគ្រឿងស្រវឹង ឬគ្រឿងញៀនដើម្បីបន្ថយភាពតានតឹងរបស់អ្នក

វាអាចជាការចង់ប្រមូលផ្តុំថ្ងៃស្ត្រេសរបស់អ្នកចាក់ចូលទៅក្នុងកែវស្រាដើម្បីបំភ្លេចវា។ ប៉ុន្តែអ្នកជំនាញយល់ថា គ្រឿងស្រវឹង គ្រឿងញៀន និងអាហារដែលគ្មានសារធាតុចិញ្ចឹមមិនមែនជាមធ្យោបាយដ៏ល្អដើម្បីបន្ធូរភាពតានតឹងជាពិសេសក្នុងរយៈពេលវែង។ លោក Gupta មានប្រសាសន៍ថា“ ជាទូទៅការផឹកស្រាមួយកែវគឺសម្រាប់ការអបអរកនឹងភាពរីករាយនឹង និងមួយទៀតគឺសម្រាប់ការដោះស្រាយបញ្ហា” ។ ប៉ុន្តែមនុស្សគ្រប់គ្នាសុទ្ធតែចង់រកដំណោះស្រាយដែលល្អសម្រាប់សុខភាពរបស់ខ្លួនក្នុងរយៈពេលវែង។ ដូច្នេះគួរកុំយកស្រាជាដំណោះស្រាយបញ្ហា។

៣.ការព្យាបាលដោយការយល់ដឹង (cognitive therapy)

ការបញ្ចូលយូហ្គាទៅក្នុងទម្លាប់ហាត់ប្រាណរបស់អ្នក គឺជាមធ្យោបាយដ៏ល្អមួយដើម្បីបន្ថែមនូវការគិតរបស់អ្នក។ យូហ្គាមិនគ្រាន់តែទាក់ទងនឹងកាយសម្បទា ប៉ុណ្ណោះទេ វាក៏និយាយអំពីការធ្វើសមាធិ និងបច្ចេកទេសដកដង្ហើមដែលទាំងអស់នេះអាចកាត់បន្ថយស្ត្រេសបាន។ ប្រសិនបើអ្នកផ្តោតលើអារម្មណ៍ដោយយកចិត្តទុកដាក់លើដង្ហើម និងរាងកាយរបស់អ្នកជាជាងអ្វីដែលមនុស្សអង្គុយជិតអ្នកកំពុងធ្វើយូហ្គាដែរនោះ វាអាចផ្តល់ភាពធូរស្បើយយ៉ាងខ្លាំង។

ការសិក្សាមួយដែលធ្វើឡើងដោយអ្នកស្រាវជ្រាវនៅសាកលវិទ្យាល័យ Stockholm ក្នុងប្រទេសស៊ុយអែតបានរកឃើញថា ទាំងការអនុវត្តន៍យូហ្គា និងការព្យាបាលអាកប្បកិរិយា (behavioral therapy) ដែលជាទម្រង់នៃការព្យាបាលចិត្តសាស្ត្រ ជួយឲ្យអ្នករៀនផ្លាស់ប្តូរគំនិត និងអាកប្បកិរិយាអវិជ្ជមានដើម្បីជម្រុញអ្នកឱ្យឆ្លើយតបខុសគ្នាទៅនឹងស្ថានភាពដែលជាវិធីដ៏មានប្រសិទ្ធភាពក្នុងការគ្រប់គ្រងស្ត្រេស។ លោក Guptaនិយាយថា“ការព្យាបាលអាកប្បកិរិយាប្រកបដោយការយល់ដឹង និងយុទ្ធសាស្ត្រជាក់ស្តែងផ្សេងទៀតដូចជា៖ ការដោះស្រាយបញ្ហា ការគ្រប់គ្រងពេលវេលា និងបច្ចេកទេសរាងកាយដូចជាយូហ្គាអាចជួយឱ្យយើងឆ្លើយតបបានប្រសើរចំពោះស្ត្រេស។

៤.ធ្វើអ្វីមួយប្រកបដោយការពិចារណា

អ្នកជំនាញនិយាយថា៖ ការបង្រៀនខ្លួនឯងឲ្យផ្តោតលើអ្វីដែលនៅក្នុងពេលបច្ចុប្បន្នជាជាងការព្រួយបារម្ភអំពីអនាគត ឬអតីតកាល គឺជាមធ្យោបាយដ៏មានប្រសិទ្ធិភាពក្នុងការកាត់បន្ថយភាពតានតឹង។ ការសិក្សាមួយដែលត្រូវបានចេញផ្សាយនៅក្នុងខែមករាឆ្នាំ២០១៧ នៅក្នុងការស្រាវជ្រាវផ្នែកចិត្តវិទ្យាបានរកឃើញថា៖ អ្នកដែលមានជម្ងឺថប់អារម្មណ៍ដែលបានចូលរួមក្នុងការធ្វើសមាធិដោយការពិចារណា ដែលជាការអនុវត្តដែលមានដើមកំណើតនៅប្រពៃណីភាគខាងកើតដែលអ្នកប្រតិបត្តិផ្តោតលើចំណុចតែមួយនៃសេចក្តីស្ងប់ដូចជា៖ ដង្ហើម អារម្មណ៍ រាងកាយ ឬពាក្យមួយឃ្លា។ ការធ្វើបែបបនេះបង្ហាញពីការថយចុះកម្រិតអរម៉ូនស្ត្រេស និងស្លាកស្នាមផ្សេងៗនៅលើរាងកាយ។

៥.ចំណាយពេលជាមួយមិត្តភក្តិ និងសត្វចិញ្ចឹម

លោកGuptaនិយាយថា “ការចំណាយពេលជាមួយគ្រួសារ ឬមិត្តភក្តិដែលធ្វើឱ្យអ្នកមានអារម្មណ៍ល្អ ឬស្វែងរកសហគមន៍ដែលអ្នកចែករំលែកចំណាប់អារម្មណ៍ ឬបញ្ហានានាអាចជួយកាត់បន្ថយភាពតានតឹងបាន” ។ សត្វចិញ្ចឹមក៏ជួយបន្ធូរភាពតានតឹងផងដែរ។ ការសិក្សាមួយដែលត្រូវបានបោះពុម្ពផ្សាយនៅក្នុងវេជ្ជសាស្ត្រចិត្តវិទ្យាបានរកឃើញថា៖ បើប្រៀបធៀបនឹងមនុស្សដែលគ្មានសត្វចិញ្ចឹម ម្ចាស់សត្វចិញ្ចឹមមានអត្រាចង្វាក់បេះដូង និងសម្ពាធឈាមទាប ជាពិសេសនៅពេលដែលសត្វចិញ្ចឹមរស់នៅក្នុងបន្ទប់ជាមួយគេ។ លោក Gupta មានប្រសាសន៍ថា“ មនុស្សងាយនឹងឃ្លាតឆ្ងាយពីសង្គម ជាពិសេសនៅពេលយើងចំណាយពេលច្រើនម៉ោងនៅកន្លែងធ្វើការ។ នោះហើយជាមូលហេតុដែលវាសំខាន់ណាស់ក្នុងការស្វែងរកភាពជាដៃគូ និងសេចក្តីស្រឡាញ់ដោយគ្មានលក្ខខណ្ឌមិនថាវាកើតឡើងដោយសារមនុស្ស ឬសត្វនោះទេ។

 .ញាំអាហារល្អៗ និងគេងឱ្យបានគ្រប់គ្រាន់

លោកស្រីDossett មានប្រសាសន៍ថា “នៅពេលអ្នកមានភាពតានតឹង វាងាយស្រួលក្នុងការឲ្យអ្នកស្វែងរកអាហារដែលមានជាតិស្ករ។ វាផ្តល់ថាមពលដល់អ្នក ប៉ុន្តែបន្ទាប់ពីការញាំស្ករក៏មានផលប៉ះពាល់។ លោកស្រីបានណែនាំឱ្យប្រកាន់ខ្ជាប់នូវរបបអាហារមេឌីទែរ៉ាណេ (Mediterranean Diet) ដែលសំបូរទៅដោយផ្លែឈើនិង បន្លែ គ្រាប់ធញ្ញជាតិ ខ្លាញ់ដែលជួយឲ្យមានសុខភាពល្អ និងប្រូតេអុីនគ្មានខ្លាញ់។

វាសំខាន់ផងដែរក្នុងការគេងឱ្យបានគ្រប់គ្រាន់។ លោក Gupta និយាយថា៖ មនុស្សគេងបានតិចជាងរយៈពេលដែលគួរគេង។ លោកស្រី Dossett បានផ្តល់អនុសាសន៍ឱ្យគេងពី ៧ទៅ៩ ម៉ោងក្នុងមួយយប់។ អ្នកប្រហែលជាគិតថា អ្នកមិនមានពេលវេលាគ្រប់គ្រាន់ដើម្បីបរិភោគអាហារដែលមានសុខភាពល្អ និងគេងឱ្យបានគ្រប់គ្រាន់ទេ មែនទេ? Dossett មានប្រសាសន៍ថា៖ ឥលូវយើងសាកគិតតាមវិធីនេះថា៖ អ្នកក៏មិនមានពេលក្នុងការឈឺដែរ។ ការវិនិយោគគឺត្រូវចំណាយពេលដើម្បីធ្វើលំហាត់ប្រាណ សមាធិបន្តិចបន្ទួច ហើយនិងការដេកមួយស្របក់នឹងផ្តល់គុណប្រយោជន៍នឹកស្មានមិនដល់។

 

អត្ថបទដោយ Health.D Cam

ប្រភពឯកសារពិគ្រោះeverydayhealth

 

Leave a Reply

Your email address will not be published. Required fields are marked *


អំពីស្ថាប័ន

  • ហេលសន៍ឌីខេម​ (Health.D Cam) ​ត្រូវបាន​បង្កើតឡើង​ក្នុង​គោល​បំណង​ផ្តល់ជូន​ប្រជាពលរដ្ឋ​ដែល​រស់នៅក្នុង​ប្រទេស​ក​ម្ពុ​ជា​នូវ​ព័ត៌មាន និង​ចំណេះដឹង​ចាំបាច់​នានាអំពី​សុខភាព​ប្រកបដោយ​ភាពច្បាស់លាស់​ និង​គ្រប់​ជ្រុងជ្រោយ​ សេវា​ប្រឹក្សា និង​បញ្ជូន​ទៅកាន់​មូលដ្ឋានសុខាភិបាល

ទំនាក់ទំនង

អាសយដ្ឋាន៖ TEK4GOOD ផ្ទះ​លេខ​៥៩ ផ្លូវ​២៤២ រាជធានីភ្នំ​ពេញ​


info@healthdcam.com

+855 96 308 47 40


©2020 រក្សា​​សិទ្ធ​គ្រប់យ៉ាងដោយ Health.D Cam