21. ខែ​មិថុនា 2021

គ​ន្លឹះ​សំ​ខាន់ៗ​ និង​រយៈ​ពេល​នៃ​ការ​គេង​ដើម្បី​មាន​សុខ​ភាព​ល្អ | Health.D Cam

ខែ​តុលា 1, 20201min840
Tips-and-duration-of-sleep-to-stay-healthy

ការស្រាវជ្រាវ​វិទ្យាសាស្ត្របាន​បញ្ជាក់​យ៉ាងច្បាស់​ថា​ ការ​គេង​គឺ​ចាំបាច់​ចំពោះមនុស្សគ្រប់​វ័យ​។ ការ​គេង​ផ្តល់​ថាមពល​ដល់​សតិអារម្មណ៍​ ធ្វើឱ្យ​រាងកាយ​មាន​ភាពរឹងមាំ​ឡើងវិញ និង​ពង្រឹង​ស្ទើរតែ​គ្រប់​ប្រព័ន្ធ​ទាំងអស់​នៅក្នុង​ខ្លួន​។ ប៉ុន្តែ​ តើ​យើង​ពិតជា​ត្រូវការ​គេង​ប៉ុន្មាន​ម៉ោង ដើម្បី​ទទួលបាន​អត្ថប្រយោជន៍​ទាំងនេះ​?

​គោលការណ៍​ណែនាំ​ស្តីពី​ការ​គេង​បាន​ណែនាំ​ថា៖ មនុស្សពេញវ័យ​ដែលមាន​សុខ​ភាពល្អ​ត្រូវការ​គេង​ពី​៧​ទៅ​៩​ម៉ោង​ក្នុង​មួយ​យប់​។ ទារក​តូច និង​ក្មេង​ជំទង់​ត្រូវការ​គេង​ឱ្យបាន​ច្រើន​ដើម្បី​ជួយ​ដល់​ការលូតលាស់ និង​ការអភិវឌ្ឍ​របស់​ពួកគេ​។ មនុស្ស​អាយុ​លើសពី៦៥ ឆ្នាំ​ក៏​គួរតែ​ទទួលទានដំណេក​ឲ្យ​បាន​ពី ​៧ ទៅ​៨​ម៉ោង​ក្នុង​មួយ​យប់​។​

​ការដឹង​ពី​អនុសាសន៍​ទូទៅ​សម្រាប់​រយៈពេល​នៃ​ការ​គេង​ដែល​អ្នកត្រូវការ​គឺជា​ជំហាន​ដំបូង​។ បន្ទាប់មក អ្នក​ចាំបាច់​ធ្វើការ​ឆ្លុះបញ្ចាំង​ពី​តម្រូវការ​របស់​អ្នក​ដោយ​ផ្អែកលើ​កត្តា​ដូចជា​៖ កម្រិត​សកម្មភាព និង​សុខភាព​ទូទៅ​របស់​អ្នក​ ហើយ​ជា​ចុងក្រោយ​វា​ចាំបាច់​ត្រូវអនុវត្ត​ការណែនាំ​អំពី​ការ​គេង​ឱ្យមាន​សុខភាព​ល្អ​។ ធ្វើដូច្នេះ ​អ្នក​ពិតជា​អាច​គេង​លក់បាន​ស្កប់ស្កល់​នៅពេល​យប់​តាម​អ្វីដែល​ត្រូវបាន​ណែនាំ​។​

​គន្លឹះ​ធ្វើឱ្យ​ការ​គេង​របស់​អ្នក​ប្រសើរឡើង​នៅថ្ងៃនេះ ដោយ​ឱ្យ​ការ​គេង​ជា​អាទិភាព​

​នៅពេល​អ្នកមាន​គោលដៅ​ចំពោះ​ម៉ោង​គេង​ដែល​អ្នកត្រូវការ វា​ដល់​ពេលដែល​ត្រូវ​ចាប់ផ្តើមរៀបចំ​ផែនការ​ហើយ ដើម្បីឱ្យ​វា​ក្លាយទៅជា​ការពិត​។​

​ចាប់ផ្តើម​ដោយ​ចាត់ទុក​ការ​គេង​ជា​អាទិភាព​ក្នុង​កាលវិភាគ​របស់​អ្នក​។ នេះ​មានន័យថាការរៀបចំ​ចំនួន​ម៉ោងគេង​ដែល​អ្នកត្រូវការ​។ ដូច្នេះ​ការងារ ឬ​សកម្មភាព​សង្គម​នឹងមិន​ធ្វើឱ្យ​រំខាន​ដល់​ការ​គេង​លក់​ស្រួល​នោះទេ​។ ខណៈពេលដែល​ការកាត់បន្ថយ​ការ​គេង​ក្នុង​រយៈពេល​ខ្លី​អាចជា​ទំនោរ​មួយ​ក្នុងពេល​បច្ចុប្បន្ន ប៉ុន្តែ​វា​មិនមាន​តម្លៃ​នោះទេ ព្រោះ​ការ​គេង​គឺ​ចាំបាច់​ដើម្បី​មាន​សុខ​ភាពល្អ​បំផុត​ទាំង​រាងកាយ និង​ផ្លូវចិត្ត​។​

​ការកែលម្អ​របៀប​រៀប​ចំ​ដំណេក​របស់​អ្នក ដែល​រួមបញ្ចូល​ទាំង​ការរៀបចំ​បន្ទប់​គេង និង​ទម្លាប់​ទាក់ទង​នឹង​ដំណេក​របស់​អ្នក​គឺជា​វិធី​មួយ​ដែល​ត្រូវបាន​បង្កើតឡើង​ដើម្បី​សម្រាក​ឱ្យបាន​ប្រសើរ​។ ឧទាហរណ៍​នៃ​របៀប​រៀបចំ​ដំណេក​រួមមាន​៖

  • ​ ​ប្រកាន់​ភ្ជាប់​នូវ​កាលវិភាគ​នៃ​ការ​គេង​ដដែលៗ​ជា​រៀងរាល់ថ្ងៃសូម្បីតែ​នៅ​ថ្ងៃ​ចុង​សប្តាហ៍​ក៏ដោយ​
  • ​ ​អនុវត្ត​ទម្លាប់​សម្រាក​មុន​ចូល​គេង​ដើម្បី​ងាយស្រួល​គេង​លក់​
  • ​ ​ជ្រើស​រើសយក​គ្រែគេងដែលមាន​គុណភាព និង​មាន​ផាសុកភាព ដោយ​បំពាក់​វា​ជាមួយនឹង​ខ្នើយ និង​ពូក​ដែលមាន​គុណភាព​
  • ​ ​កាត់បន្ថយ​ការរំខាន​ដែល​អាច​កើតមាន​ពី​ពន្លឺ និង​សម្លេង ​ព្រមទាំងធ្វើឱ្យ​សីតុណ្ហភាព​ក្នុង​បន្ទប់​គេង​របស់​អ្នកមាន​សីតុណ្ហភាព​ល្មម និង​មាន​ក្លិនក្រអូប​
  • ​ ​ប​ញ្ឃ​ប់​ការប្រើប្រាស់​ឧបករណ៍​អេឡិចត្រូនិក​ដូចជា​៖ ទូរស័ព្ទ និង​កុំព្យូទ័រ​រយៈពេល​កន្លះ​ម៉ោង ឬ​ច្រើនជាង​នេះ​មុនពេល​ចូល​គេង​
  • ​ ​តាមដាន​ការទទួល​ទាន​ជាតិ​កាហ្វេ​អ៊ី​ន និង​ជាតិ​អាល់កុល​ដោយ​ប្រុងប្រយ័ត្ន និង​ព្យាយាម​ជៀសវាង​ការទទួល​ទាន​វា​ក្នុង​រយៈពេល​ប៉ុន្មាន​ម៉ោង​មុនពេល​ចូល​គេង​។

 

​អត្ថបទ​ប្រែ​សម្រួល និង​រៀបរៀង​ដោយ​៖ Health.D Cam

​ប្រភព​ឯកសារពិគ្រោះ​៖ Sleep Foundation

Leave a Reply

Your email address will not be published. Required fields are marked *


អំពីស្ថាប័ន

  • ហេលសន៍ឌីខេម​ (Health.D Cam) ​ត្រូវបាន​បង្កើតឡើង​ក្នុង​គោល​បំណង​ផ្តល់ជូន​ប្រជាពលរដ្ឋ​ដែល​រស់នៅក្នុង​ប្រទេស​ក​ម្ពុ​ជា​នូវ​ព័ត៌មាន និង​ចំណេះដឹង​ចាំបាច់​នានាអំពី​សុខភាព​ប្រកបដោយ​ភាពច្បាស់លាស់​ និង​គ្រប់​ជ្រុងជ្រោយ​ សេវា​ប្រឹក្សា និង​បញ្ជូន​ទៅកាន់​មូលដ្ឋានសុខាភិបាល

ទំនាក់ទំនង

អាសយដ្ឋាន៖ TEK4GOOD ផ្ទះ​លេខ​៥៩ ផ្លូវ​២៤២ រាជធានីភ្នំ​ពេញ​


info@healthdcam.com

+855 96 308 47 40


©2020 រក្សា​​សិទ្ធ​គ្រប់យ៉ាងដោយ Health.D Cam